AANGENAME KENNIS

KAREN VAN VUUREN

EIENAAR

Ek bied van 2013 af musieklesse aan vir voorskoolse kinders. Dit is my passie en wat ek wil doen vir die res van my lewe. Deur die jare het ek begin navorsing doen oor verskillende metodes waarop musiek aangebied kan word vir kinders. Die algemene metode wat gebruik word was in my opinie nie die beste manier nie. Musiek word in die meeste musiek programme gebruik as ‘n middel waardeur algemene kennis, motoriese vaardighede en woordeskat aangeleer word. Musiek is nie die fokus nie.

Deur die navorsing het ek COLOURSTRINGS ontdek. Die inligting was oorweldigend. Die manier waarop die musiek benader word en hoe dit aan die kinders verduidelik word, was presies wat ek gesoek het. Met POCO TOTS wil ons dié benadering toepas. Ons wil die kinders in logiese stappe musiek verduidelik op ‘n onbewuste vlak, met sang as die middelpunt van die program. ‘n Mens se stem is jou interne instrument. Met sang ervaar mens die maatslag, ritmes, toonhoogtes en al die ander aspekte van musiek van binne. Wanneer kinders sing gebruik hulle meer sintuie en is die leer proses meer persoonlik en maak dit ‘n blywende indruk.

Die voordele van musiek is oneindig. POCO TOTS kan nie wag om ‘n lang musikale pad saam met elke kind te stap nie .